ຄວາມເປັນມາຂອງໂຄງການ
ສຳນັກງານຄວາມຮ່ວມມືພັດທະນາເສດຖະກິດກັບປະເທດເພື່ອນບ້ານ (ອົງການມະຫາຊົນ) (ສພພ.) ກະຊວງການເງິນ ໄດ້ໃຫ້ການຊ່ວຍເຫຼືອໂຄງການກໍ່ສ້າງເສັ້ນທາງເມືອງຫົງສາ-ບ້ານຊຽງແມນ ໃນ ສປປ. ລາວ ເຊິ່ງມີໄລຍະທາງປະມານ 114 ກິໂລແມັດເພື່ອເຊື່ອມຕໍ່ຈັງຫວັດນານ-ແຂວງຫຼວງພະບາງ ປັດຈຸບັນແມ່ນໄດ້ກໍ່ສ້າງສຳເລັດແລ້ວ ແລະໄດ້ເປີດໃຫ້ໃຊ້ງານແລ້ວ ແລະ ເພື່ອໃຫ້ການເດີນທາງສະດວກສະບາຍຂຶ້ນ, ສພພ. ໄດ້ຕົກລົງອະນຸມັດການຊ່ວຍເຫຼືອດ້ານວິຊາການໃຫ້ແກ່ ສປປ. ລາວ ສໍາລັບການສຶກສາຄວາມເປັນໄປໄດ້ (Feasibility Study) ແລະ ອອກແບບລາຍລະອຽດ (Detailed Design) ໂຄງການກໍ່ສ້າງເສັ້ນທາງຊຽງແມນ-ຫຼວງພະບາງ ສປປ. ລາວ ເປັນຂົວຂ້າມແມ່ນໍ້າຂອງເຊື່ອມຕໍ່ເສັ້ນທາງຈາກຫົງສາ-ບ້ານຊຽງແມນ ກັບຖະໜົນເລກທີ່ 13 (ແມ່ນ້ຳຂອງມີຄວາມກວ້າງປະມານ 540 ແມັດ) ຕາມທີ່ໄດ້ຮັບຄຳຮ້ອງຂໍການຊ່ວຍເຫຼືອດ້ານວິຊາການຈາກກະຊວງການເງິນ ສປປ. ລາວ ຈຸດປະສົງເພື່ອອຳນວຍຄວາມສະດວກໃນການຄົມມະນາຄົມ, ທັງເປັນເສັ້ນທາງທ່ອງທ່ຽວເຊື່ອມຕໍ່ຈັງຫວັດນານ-ເມືອງມໍລະດົກໂລກຫຼວງພະບາງ ແລະສະໜັບສະໜູນເປົ້າໝາຍໂຄງການກໍ່ສ້າງເສັ້ນທາງເມືອງຫົງສາ-ບ້ານຊຽງແມນ ເພື່ອເຊື່ອມຕໍ່ເສັ້ນທາງທ່ອງທ່ຽວທາງບົກຈາກຈຸດຜ່ານແດນຖາວອນບ້ານຫ້ວຍໂກນ ເມືອງຊະເລີມພະກຽດ ຈັງຫວັດນານ ສູ່ເມືອງມໍລະດົກໂລກຫຼວງພະບາງໄດ້ຢ່າງເປັນຮູບປະທຳ
ນອກຈາກນັ້ນ, ການກໍ່ສ້າງຂົວຂ້າມນໍ້າຂອງ ຊຽງແມນ-ຫຼວງພະບາງ ຈະເປັນຂົວເຊື່ອມຕໍ່ລະຫວ່າງລະບົບຄົມມະນາຄົມຂົນສົ່ງພາຍໃນ ສປປ ລາວ ແລະ ເຄືອຂ່າຍການຄົມມະນາຄົມຂົນສົ່ງລະຫວ່າງປະເທດໄທ ແລະ ສປປ ລາວ ໃຫ້ມີຄວາມສົມບູນ ສອດຄ່ອງກັບຍຸດທະສາດຂອງໄທ ໃນການໃຫ້ຄວາມສໍາຄັນຂອງການເຊື່ອມໂຍງການຂົນສົ່ງລະຫວ່າງ ປະເທດໄທ ແລະ ປະເທດເພື່ອນບ້ານ ເຊິ່ງເປັນຜົນດີຕໍ່ເສດຖະກິດຂອງທັງສອງປະເທດໃນດ້ານການລົງທຶນອຸດສາຫະ ກຳກະສິກຳ ການທ່ອງທ່ຽວແລະການບໍລິການ ການສົ່ງອອກສິນຄ້າອຸປະໂພກບໍລິໂພກນ້ຳມັນເຊື້ອໄຟຫຼືສິນຄ້າທີ່ນຳໃຊ້ໃນອຸດສາຫະກຳກະສິກຳ ທັງຍັງສົ່ງຜົນສະທ້ອນເຖິງປະຊາຊົນ ສປປ ລາວ ມີຄຸນນະພາບດີຂຶ້ນ ຊີວິດຈາກການລົງທຶນໃນອະນາຄົດ.
ຈຸດປະສົງ
